ዕቅድ እና ስትራቴጂ ጉዳዮች

ምንም እንኳ በኢትዮጵያ የሊዝ ፋይናንስ አገልግሎት ገና በማደግ ላይ የሚገኝ ቢሆንም በተደረጉ ምክክሮችና አገልግሎቱን የማስተዋወቅ ተግባራት በካፒታል ዕቃ አቅርቦት መጠንም ሆነ ስፋት ከጊዜ ወደ ጊዜ በከፍተኛ ደረጃ የማደግ ዕድሉ እየሰፋ ነው። በአሁኑ ጊዜ አክሲዮን ማህበሩ በክልላችንም ሆነ በአገር አቀፍ ደረጃ ደንበኞች ሊሆኑ የሚችሉ በርካታ ኢን/ዞች ያሉ ሲሆን በአጠቃላይ በሀገሪቱ ባሉ ኩባንያዎች ጭምር የሊዝ ፋይናንስ አቅርቦት ገበያውንና የደንበኞችን ፍላጎት አሁንም ሊያረካ አልቻለም።

የአክሲዮን ማህበሩ ዋና ደንበኞች በማኑፋክቸሪንግ፣ በአግሮ ፕሮሰሲንግ፣ በግብርና እና በሌሎች የአገልግሎት ዘርፎች በማምረት ተግባራት ላይ የተሰማሩ አነስተኛ እና መካከለኛ ኢንተርፕራይዞች ናቸው። እነዚህ ኢን/ዞች በተለያዩ ደረጃ ማለትም በማደግ ላይ ያሉ ወይም በግል እየሰሩ የንግድ ስራቸውን እያስፋፉ ያሉ እንዲሁም ከጥቃቅንና አነስተኛ ወደ መካከለኛ ኢንተርፕራይዝ ባለቤትነት የሚሸጋገሩ፣ የካፒታል ዕቃ/ማሽን እጥረት ያለባቸውና የዩኒቨርሲቲ ምሩቃን ሲሆኑ በየደረጃው ከሚገኙ ኢንዱስትሪና ኢንቨስትመንት ተቋማት እንዲሁም በክልሉ የስራና ስልጠና ተቋማት የተያዙ መረጃዎች በመውሰድ እና ሌሎችም በራሳቸው የሊዝ ፋይናንስ አገልግሎት ፈልገው የሚመጡ ናቸው።

• የአክሲዮን ማህበሩ የረጅም እና የአጭር ጊዜ ዋና ዋና ግቦች እና የትኩረት አቅጣጫዎች፡-

የሊዝ ፋይናንስ አገልግሎት ድርጅቶች ሥራቸውን እንዲያስፋፉ ያግዛል፤ ስለሆነም በተለያየ ዘርፍ የተሰማሩ የጥቃቅን፣አነስተኛ እና መካከለኛ ኢን/ዞች የሊዝ ፋይናንስ አገልግሎት ሰጪ ኩባንያው ግቡን እንዲመታ ተገቢውን ትኩረት ሊሰጣቸው ከሚገባቸው አቅሞች መካከል ዋነኞች ናቸው። ይህንን ለማድረግ ዋልያ የካፒታል ዕቃ ፋይናንስ ንግድ ስራ አክሲዮን ማህበር ፍላጎቱን ሊያሟላ የሚችል እና ይህንን ትልቅ አቅም ለመጠቀምና ኢንተርፕራይዞች ወደ ተሻለ ደረጃ ለማሻገር የሊዝ ፋይናንስ አገልግሎት ሰጪ ኩባንያው ወደፊት እድል ሊሰጥ ይችላል።

ዋልያ የካፒታል ዕቃ ፋይናንስ ንግድ ስራ አ.ማ በጥቃቅን፣አነስተኛ እና መካከለኛ ኢን/ዞች በተመረጡ ዘርፎች በዋናነት በማኑፋክቸሪንግ፣ በቱሪዝም፣ በግንባታ እና በሌሎች አገልግሎት እና በግብርና ዘርፎች ላይ ትኩረት በመስጠት የሊዝ ፋይናንስ አገልግሎት ይሰጣል። የሊዝ ፍላጎት ያላቸውን አመልካቾች ፍጥነት መጨመር፣ የሰራተኞችን ሙያዊ ብቃት እና የሊዝ ፋይናንስ ዕውቀት ማሳደግ እንዲሁም የደንበኞችን ፍላጎት ማሟላት ቀጣይነት ያለው ሌላው የጥቃቅን፣አነስተኛ እና መካከለኛ ኢን/ዞች ስትራቴጂ አካል ነው።

ከአጭር ጊዜ ዕቅድ አንፃር ዋልያ የካፒታል ዕቃ ፋይናንስ ንግድ ስራ አክሲዮን ማህበር የተደራሽነት ሽፋንን ለመጨመር የቅርንጫፍ ጽ/ቤቶች እና የሳተላይት ከተሞችን ተጠቃሚነት ማሻሻል አለበት። ማህበራዊ ሚዲያን (ድህረ ገጽ፣ ፌስቡክ፣ ቴሌግራም የመሳሰሉትን እና የሊዝ ፋይናንስ አገልግሎት ሊያሳልጡ የሚችሉ ሲስተሞችን በመጠቀም ወደ ደንበኞች ለመድረስ እና ለደንበኞች የሚቀርቡ አገልግሎት ለማሳለጥ (ለምሳሌ፡ የሊዝ ማመልከቻዎች፣ ደንበኞችን ለማወቅ/ለመመልመል የሚጠቅሙ መስፈርቶች (KYC) እና ሌሎች ሰነዶችን በእነዚህ መገናኛ ዘዴዎች መጫን፣ እንዲሁም የሊዝ ፋይናንስ አገልግሎት ክፍያ በዲጅታል መንገድ እንዲፈጸም እና ሌሎች በርካታ የሊዝ ፋይናንስ አገልግሎቶችን በተመለከተ ጥሩ አመለካከት እንዲኖር ማድረግና አጠቃላይ አገልግሎቱን ማሻሻል ነው፡፡

ከረጅም ጊዜ አንጻር አክሲዮን ማህበሩ በክልሉ የሊዝ ፋይናንስ ገበያውን ማርካት፣ አገልግሎቱን በሀገር ደረጃ ማስፋት፣ የማኑፋክቸሪንግ እና የኢንዱስትሪ ዘርፍን በመላ አገሪቱ ለማሳደግ እና በኢትዮጵያ ቀዳሚ የሊዝ ኩባንያ ለመሆን የረጅምና የመካከለኛ ጊዜ ዕቅድ ነድፎ እየተንቀሳቀሰ ይገኛል፡፡

ዋና ዋና ግቦችና የትኩረት አቅጣጫዎች

በዋልያ የካፒታል ዕቃ ፋይናንስ ንግድ ስራ አክሲዮን ማህበር በስትራቴጂክ ዕቅድ ውስጥ የተገለጹት ግቦችና ስትራቴጂያዊ ጉዳዮች በሚከተሉት መልኩ ተለይተዋል፡-

• የሊዝ ፋይናንስ አገልግሎት ማስተዋወቅ እና ገበያውን ማስፋፋት (ከስትራቴጂክ ደንበኛ(ዎች) ጋር ጠንካራ አጋርነት እና ትስስር መፍጠር እና ማዳበር)፤
• የሀብት ማሰባሰብ (የኩባንያውን አገልግሎት የሚያሻሽሉ አዳዲስ የንግድ ሞዴሎችንና የፋይናንስ ምንጮን መፍጠር እና መጠቀም)፤
• የደንበኞች አገልግሎት ቅልጥፍና እና ልቀት ማሻሻል (ለደንበኞች የተሻለ እና እሴት የሚጨምር አገልግሎት በማቅረብ ስትራቴጂያዊ ችሎታ ማዳበር)፤
• ድርጅታዊ መዋቀርና እና ሰራተኞች፤
• የሊዝ ፋይናንስ አስተዳደር የመረጃ ስርዓት ማዘመን /አውቶሜሽን እና ዲጂታላይዜሽን)፤
• የፋይናንስ አስተዳደር (የባለአክሲዮኖችን ኢንቨስትመንት ትርፋማ ማድረግ /መፍጠር)፤
• የሪስክ አስተዳደር እና ተገዢነት ስርዓት መዘርጋት፤ ማሻሻል፤
• ልዩ ልዩ አገልግሎቶችን /ምርቶችን/ማቅረብ፤

ግቦች

• አገልግሎቶች የሚሰጡባቸው መዳረሻዎች መጨመር እና የደንበኞችን ተደራሽነት ማስፋፋት (የደንበኛ እይታ)፤
• ሀብትን ማሰባሰብ እና ትርፋማነትን ማሻሻል (የፋይናንስ እይታ)፤
• የካፒታል ዕቃዎች አቅርቦትን ማሳደግ (የውስጥ አሰራር ሥርዓት እይታ)፤
• የአገልግሎት ልዕቀት (የመማማርና ዕድገት እይታ) ማሳካት፤